ඔබ කාර්යාලයේ වැඩ පහසුවට ක්‍රම විධි 18ක්

ඔබ කාර්යාලයේ වැඩ පහසුවට ක්‍රම විධි 18ක්

- in All, Social
231
0

සමහර විට ඔබ ඉතා වැඩ අධික අයකු විය හැකිය. ඒ නිසාම ඔබගේ කාර්යාලයේ සමහර වැඩ අතපසු වීම, මඟහැරීම සිදුවිය හැක. වැඩ අතපසු වීම, මඟහැරීම සිදුනොවී නිසි ලෙස ඔබ රාජකාරී කාලය කළමනාකරණය කරගැනීමෙන් ඔබ රාජකාරි කටයුතු වඩාත් පහසු හා ඵලදායි වෙනවා ඇත. ඔබගේ කාර්යාලයේ වැඩ කරන වේලාවට ඔබේ කාලය අනිසි ලෙස නාස්ති වෙනවාද? එම නාස්තින් අවම කර ගැනීමට ඔබ කුමන ආකාරයේ ක්‍රම විධි දැනට පාවිච්චි කරනවාද? ඔබ කාර්යාලය ක්‍රමානූකූල කර ගැනීමට ලොකු සැලසුම් විශාල දින ගණන් අවශ්‍ය නැත. ඒ සඳහා දිනකට සුළු මිනිත්තු ප්‍රමාණයක් වෙන් කර ගැනීම ප්‍රමාණවත්ය.

 

ඔබ මේසය, කාර්යාලය සංවිධානය කරගැනීම හෙටට කල් නොදමන්න. දැන්මම ක්‍රියාත්මක වන්න. පහත ක්‍රමවිධීන් අනුගමනය කිරීමෙන් ඔබ කාර්යාලය කාර්යක්‍ෂම හා ඵලදායී ආයතනයක් කර ගැනීමට ඉඩකඩ ලැබෙනවා ඇත.

 

1. ඔබ ලාච්චුව, ඔබ මේසය ඔබ කාර්යාලය දෙස ඉතා දැඩි අවධානයෙන් බලා එම ස්ථාන වල ඇති අනවශ්‍ය දේ පිළිබද අවධානය වහාම යොමු කරන්න. එසේ අවධානය යොමු කර ඔබට හෝ කාර්යාලයට අවශ්‍ය නැති දෑ තිබේනම් ඒවා ලේඛනයකට ගෙන වහාම ඉවත් කිරීමට කටයුතු කරන්න. ඔබගේ අවශ්‍ය උපකරණ හා ද්‍රව්‍ය නිසි ස්ථාන වල තැබීමට සැලකිලිමත් වන්න. එමගින් ඔබට ඔබගේ උපකරණ සෙවීමේ කාලය අවම කර ගත හැකි වෙනවා ඇත. එය ඔබගේ මානසික සුවයට ද හේතුවේ.

2. ඔබ නිතිපතා හා පාවිච්චි කරන දෑ හඳුනාගෙන ලඟින්ම තබා ගන්න. ඉඳහිට  අවශ්‍ය වන දෑ ඔබ සාමාන්‍යයෙන් ඉවත් කර වෙනමම ස්ථානයක තබන්න. උදාහරණ ලෙස නිතිපතා ඔබට ස්ටේප්ලර් මැසිම අවශ්‍යවේනම් ඔබ ලඟින්ම තබාගන්න. පන්චරය ඔබට මසකට වරක් පමණ අවශ්‍ය වේ නම් වෙනත් පොදු ස්ථානයක තබා ගන්න.

3. ඔබ කාර්යාලයේ පවතින දෑ ලේබල් කරන්න. එමගින් පහසුවෙන් හඳුනාගැනීමට ඉඩකඩ ලැබේ. උදාහරණ ලෙස ඔබගේ ෆයිලින් කැබිනට් එකේ ඇති ෆයිල් මොනවාද යන්න හඳුනාගැනීමට අංක යොදා සැමට පෙනෙන ලෙස ලේබල් කරන්න.

4. ඔබගේ කබඩ්වල ඇති ෆයිල් අඩුකර හැකි පමණ ඉලෙක්ට්‍රොනික ෆයිල් පාවිච්චියට යොමු වන්න.

5. සෑම අයෙකුම තමාගේ වැඩ කරන දවස සඳහා ඊට කලින් දින විනාඩි පහක් වෙන්කර Things to do list එකක් සකසා ගන්න.මෙලෙස ඔබ දිනපතා සැලසුමක් සෑදීමෙන් ඔබ කාලය ඵලදායි ලෙස යොදා ගැනීමට හැකිවෙනවා ඇත.

6. නොකෙරී ඇති වැඩ ලැයිස්තුවක් සාදා දිනපතා ඒවා වහාම අවසන් කිරීමට කටයුතු කරන්න.

7. ඔබගේ පරිගණකයේ ඇති ෆයිල්ස් නිසි ලෙස සංවිධානය කර ගන්න. අනවශ්‍ය ෆයිල් තිබේ නම් මකා දැමීමට හෝ බාහිරව තැන්පත් කළ හැකි ස්ථානයක එම තොරතුරු ගබඩා කර තබන්න.

8. ඔබ මේසයේ ලාච්චුව ඉතා චමත්කාර ලෙස පවත්වාගෙන යන්න. අනවශ්‍ය දේ පවතී නම් වහාම ඉවත් කර දමන්න.

9. ඔබට දිනපතා ලැබෙන E-mail පණිවිඩ බැලීමට දිනකට වාර දෙකක් පමණක් වෙන් කර ගන්න. එය උදේ හා හවස ලෙස සැලසුම් කර ගන්න. හැකි ඉක්මනින් අදාල E-mail පරික්‍ෂාකර අවශ්‍ය ක්‍රියාමාර්ග ගැනීමට කටයුතු කරන්න.

10. ඔබගේ ලිපි ලේඛන නීතිමය වශයෙන් තබාගත යුතු දිනවකවානු හඳුනාගෙන ඒ මත ඔබගේ ෆයිල් හා ලිපි ලේඛන සැලසුම් කර ගන්න.

11. පැරණි ලිපි ලේඛන වහාම ඉවත් කරන ක්‍රමවේදයක්  ආයතනය තුල ඇති කර ගන්න.

12. කාර්යාලය තුල පැරණි පුවත් පත් සඟරා තිබේ නම් වහාම ඉවත් කිරීමට කටයුතු කරන්න.

13. ඔබගේ වෘත්තිය දියුණුවට අදාලව පරිගණකයේ වෙනමම ෆෝල්ඩර් (Folder) එකක් විවෘත කරගෙන තම දැනුම එකතු කර අධ්‍යයනය කරන්න.

14. දවස අවසානයේ ඔබ සැලසුම් කළ වැඩ සිදුවුයේ දැයි පසු විපරම් කර බලා නොකෙරුන වැඩ ඊළග දවසේ දී අවසන් කිරිමට කටයුතු කරන්න.

15. සෑම ලේඛනයක්ම ලිපියක්ම සතියකට වරක්වත් ෆයිල් කර තැබීමට කටයුතු කරන්න.

16. දිනපතා ඔබගේ රාජකාරී කටයුතුවල ඉතා වැදගත් වැඩ, වැදගත් වැඩ, වැදගත් නොවන වැඩ මොනවාදැයි හඳුනාගෙන ඔබ දවස ඒ මත ප්‍රමුඛතාවය ලබා දෙන්න.

17. රාජකාරී කටයුතු කරන අතරතුර සෑම පැයකටම අවම වශයෙන් විනාඩි 5 ක වත් විවේකයක් ලබා ගෙන මනස සැහැල්ලු කර ගන්න.

18. දවසේ ගෙවෙන සෑම මොහොතකම සතුටින් සිනහවෙන් සිටීමට කටයුතු කරන්න. එමඟින් ඔබට සහ කාර්යාලයේ සෑම දෙනාටම සමඟියෙන් හා සහයෝගයෙන් කටයුතු කිරීමට හැකිවනවා ඇත.

ඔබත් අද සිටම මෙම ක්‍රම ශිල්ප 18 ඔබ ජීවිතයට ඇතුලත් කර ගැනීමට කටයුතු කරන්න. එවිට ඔබට මෙන්ම ඔබ කාර්යාලයේ ද ඵලදායිතාවය ඉහළ නංවා ගැනීමට හැකි වෙනවා නොඅනුමානය.

 

ආචාර්ය ප්‍රේමසිරි ගමගේ
සභාපති – ව්‍යාපාර සංවර්ධන කේන්ද්‍රය

ඡායාරූප – අන්තර්ජාලය ඇසුරෙනි

Facebook Comments

Leave a Reply

Your email address will not be published. Required fields are marked *